Fatmir Rexhepi ka qenë deputeti i vetëm në sallën e Kuvendit, i cili nuk e ka votuar Qeverinë Hoti. Ai ka abstenuar në votimin në Kuvendin e Kosovës.
Qeverinë Hoti e ka kundërshtuar edhe Vjosa Osmani e Haxhi Avdyli, të cilët nuk kanë qenë prezent në seancën ku është votuar Qeveria e re.
Abdullah Hoti është kryeministri i Kosovës. Me 61 vota pro, Hoti nga sot do të drejtojë kabinetin e tij qeveritar me 4 zëvendës kryeministria dhe 16 ministra.
Në një seancë të zhvilluar sot paradite, Hoti ka treguar prioritetet e tij në qeveri, duke thënë se do punojë për rimëkëmbjen e ekonomisë dhe për dialogun me Serbinë.
