Aktori i njohur Bujar Asqeriu ka pranuar mes lotësh, se mëngjesin e 17 Majit kur u shemb Teatri Kombëtar, ai ka pësuar një problem kardiak.
“Të mos e harrojnë kurrë, ai nuk ishte teatër, ishte një vend i shenjtë. Zërat e shpirtrave të atyre që kanë punuar në këtë teatër do i ndjekin këta njerëz që e bënë atë gjë.
Unë u zgjova që në orën 4 e 30, po pickoja veten, më dukej si një ëndërr, se si sulmohet teatri në mënyrë të pabesë, si ka mundësi që të mos merret një konsensus?
Kjo polici tërheq zvarrë vajzat?! Më këshilluan miqtë, më thanë mos shko… unë haja gishtat e mia me dhëmbë, pata edhe një problem, një moment kardiak, piva disa qetësues, çfarë do bëja unë?
Të nesërmen shkova dhe ju thashë policëve: Hajdeni këtu o vëllezërit e mi, pse i tërhiqni zvarrë motrat, artistët, çfarë ju bënë?”– u shpreh Asqeriu në “News24”.
