Ndonëse ishte parashikuar për të hënën mbledhja, sot është vulosur në Këshillin Bashkiak shembja e Teatrit. Nesër do të nisë shembja e godinës së Teatrit Kombëtar. Dokumenti mban në fund firmën e kryetarit të Këshillit Bashkiak, Toni Gogu.
Këshilli Bashkiak me vendimin nr.50 të datës 14.05.2020 ka vendosur të miratojë shembjen e godinës së Teatrit, të nisë menjëherë marrja e masave të nevojshme për ndërtimin e një godine të re e bashkëkohore dhe IKMT duhet të marrë masat për ndërhyrjen dhe shembjen e tij.
Aktualisht te Teatri Kombëtar ka shumë lëvizje të qytetarëve dhe artistëve që janë grumbulluar kundër vendimit për shembjen e kësaj godine.
Nga ana tjetër, kryedemokrati Basha ka paralajmëruar se do ta kalojë aty natën për të ndaluar zbatimin e këtij vendimi.
