Kryeministri Edi Rama ka dhënë detaje të reja në lidhje me draftin për kultivimin e kanabisit dhe legalizimin e tij për qëllime mjekësore në Shqipëri.
Gjatë fjalës së tij në konferencën e përbashkët me ambasadorin Soreca, Rama tha se për këtë draft ka mbi 1 vit që punohet.
Kreu i qeverisë theksoi se në lidhje me draftin në fjalë është konsultuar me ekspertët më të mirë ndërkombëtarë dhe vendas.
“Kemi 1 vit që punojmë për këtë draft, do jetë gati për pak, ne nuk bëjmë punë pa u konsultuar me ekspertë të huaj dhe tanët. Gjëja kryesore që bëjmë dhe na ka dalë është konsultimi me eksperiencat e tjera. Ne nuk shpikim asgjë, mësojmë nga të tjerët, adaptojmë nga të tjerët. Do jetë gati drafti shumë shpejt, ashtu si drafti për amnistinë fiskale”, tha ai.
