Drejtoresha e Qendrës së Shërbimeve Arsimore (QSHA), Rezana Vrapi ka sqaruar nxënësit mbi nivelet e vështirësisë të testeve të Maturës Shtetërore 2020.
Në komunikimin e radhës, Vrapi tha se testet e maturës shtetërore do të bazohen në tre nivele vështirësie.
“Niveli i parë që ka të bëjë me njohjen dhe të kuptuarin. Është 40% e totalit të pikëve të testit. Niveli i dytë ka të bëjë me zbatim dhe analizë. Është sërish 40% e totalit të pikëve të testit. Niveli i tretë është edhe niveli më i lartë i testit (20%). Përgjithësisht kontrollon njohuritë që kanë të bëjnë me sintezën dhe vlerësimin”, tha ajo.
Sipas saj, kjo është një skemë të cilën çdo test i maturës shtetërore është i detyruar që ta zbatojë.
