Telefonat çdo ditë e më shumë po kthehen në një mjet të dobishëm pune, sidomos gjatë kësaj periudhe të pandemisë së koronavirusit, ku shumë persona punojnë nga shtëpia.
Mirëpo, sipas “The Telegraph”, gati një e treta e njoftimeve që marrim në telefon na bëjnë armiqësorë, të mërzitur ose nervozë.
Këto tre njoftime që na ndryshojnë humorin për keq, janë ato që lidhen me punën, përditësimet e telefonit dhe njoftimet e disponueshmërisë me Wi-Fi.
Studimi i cili u zhvillua nga Universiteti i Nottingham Trent, zbuloi se telefonat na bëjnë thjesht të palumtur.
“Është e qartë se njoftimet shoqërore i bëjnë njerëzit të lumtur, por kur ata marrin shumë njoftime të lidhura me punën ndodh efekti i kundërt”, tha Dr. Eiman Kanjo, një nga autorët e studimit.
