Presidenti i Kosovës Hashim Thaçi për shkak të problemeve me veshkat është drejtuar paraditen e sotme me urgjencë drejt spitalit.
Raportohet se Thaçi kërkoi fillimisht ndihmë në Klinikën Emergjente në QKUK, por problemi doli të ishte pak më serioz.
E për këtë arsye atij iu desh që të drejtohej drejt Klinikës së Urologjisë.
Përmes një njoftimi për media, Thaçi falenderoi gjithë personelin e Qendrës Klinike Universitare të Kosovës për kujdesin e treguar.
Ndërkohë, një simpatizant i Thaçit nga Komuna e Vitisë, Besim Rexhepi, është shprehur i gatshëm për të ofruar veshkën në rast se Presidenti i Kosovës do ketë nevojë për të.
