OBSH ka shprehur shqetësimin, se me gjasë epiqendra e pandemisë do kalojë nga Evropa në Afrikë. Në kohën kur Evropa u gjend e papërgatitur para virusit vdekjeprurës, Afrika do ta ketë edhe më të vështirë menaxhimin e situatës, dhe mund të përballet me një katastrofë humanitare më të madhe.
OBSH thotë se numri i rasteve të reja me koronavirus ishte rritur me 51 për qind javën e kaluar në Afrikë. Kjo e shton edhe më tej frikën, se pandemia do e kthejë në zonë të kuqe Afrikën.
“Numri i vdekjeve të raportuara është rritur me 60 për qind gjatë së njëjtës periudhë. Por shifrat e vërteta ka të ngjarë të jenë edhe më të larta sesa ato që raportohen”, paralajmëroi Drejtori i Përgjithshëm i OBSH, Dr. Tedros Adhanom Ghebreyesus.
