Vaksina është shpëtimtari i vetëm. I gjithë globi pret me padurim që të dalë, e ndërsa informatat në këtë drejtim janë të ndryshme. Pyetja që parashtrohet mësë shumti së fundmi lidhet me faktin nëse jemi të mbrojtur për jetën, nëse infektohemi një herë.
Mjekët që ekzaminojnë pacientët që rikuperohen nga një infeksion Covid-19, po gjejnë nivele mjaft të larta të antitrupave neutralizues në gjakun e tyre. Këto antitrupa janë bërë nga sistemi imunitar, dhe ata mbështjellin një virus pushtues në pika të veçanta, duke bllokuar aftësinë e tij për të shpërthyer në qeliza.
Virologu Mike Skinner nga Imperial College London, ka dhënë lajme mjaft shpresëdhënëse, duke thënë se njerëzit po bëhen edhe më imunë ndaj koronavirusit.
“Është e qartë se përgjigjet imune janë duke u rritur kundër Covid-19 te njerëzit e infektuar,” shprehet Skinner. “Dhe antitrupat e krijuar nga kjo përgjigje, do të ofrojnë mbrojtje kundër infeksioneve të ardhshme – por duhet të kemi parasysh që nuk ka gjasa që kjo mbrojtje të jetë për jetën. Përkundrazi, shumica e virologëve besojnë se imuniteti ndaj Covid-19 do të zgjasë vetëm një ose dy vjet”.
