Facebook ka vendosur ne dispozicion 100 milion dollarë fonde për të mbështetur gazetarët, me një fokus të veçantë për lajmet lokale, shkruan Ansa.
CEO Mark Zuckerberg dha këtë njoftim me anë një postimi. “Për momentin, gazetarët po punojnë në kushte shumë të vështira për të mbajtur të informuar komunitetet e tyre dhe shumë botues janë në veshtirësi për shkak të ndikimit ekonomik të epidemisë”,shkruan Zuckerberg.
“Informacioni lokal është prekur veçanërisht nga kriza, kështu që ne jemi duke angazhuar 25 milion për të siguruar finanzime emergjente përmes ‘Facebook Journalism Project’, dhe 75 milion të tjerë në shpenzime për reklama për të mbështetur gazetarët dhe botuesit.”
Shifra, shpjegon Zuckerberg, është përveç 300 milionëve tashmë të alokuara për të mbështetur informacionin, veçanërisht informacionin lokal, në vitet e ardhshme.
