Media prestigjioze “The Guardian” raporton se sot do të provohet për herë të parë vaksina kundër koronavirusit.
Këtë lajm e ka konfirmuar për Associated Press një zyrtar i qeverisë amerikane i cili nuk dëshiron që t’i zbulohet identiteti.
Mësohet se testi do t’i bëhet një 45-vjeçari të shëndetshëm në Seattle të Washington-it, që doli vullnetar.
Vaksina u zhvillua nga kompania Moderna dhe Instituti Kombëtar i Shëndetit, i cili gjithashtu po financon testimin. Qëllimi është të shqyrtojnë nëse vaksina jep ndonjë efekt anësor në lidhje me këtë. Pritet që të duhen nga një vit deri në 18 muaj për të vërtetuar plotësisht çdo vaksinë të mundshme.
Shumë grupe shkencëtarësh nga e gjithë bota po përpiqen që të zbulojnë një vaksinë për koronavirusin, i cili deri më tani ka marrë mbi 7 mijë jetë njerëzish nga e gjithë bota.
