Turqia bën me dije se ka qëlluar sot një avion luftarak sirian, në provincën Idlib të Sirisë.
Lajmi u bë i ditur nga ministria turke e Mbrojtjes, e cila njoftoi se kishte rrëzuar një aeroplan luftarak L-39 që i përkiste forcave të qeverisë siriane.
Nuk dihet ende se çfarë ka ndodhur me ekuipazhin e avionit. Ndërkohë që, Turqia ka dërguar mijëra trupa në Idlib për të mbështetur rebelët anti-qeveritar.
Ofensiva e forcave të presidentit Bashar al-Asad, e mbështetur nga Rusia, në zonën e fundit të mbajtur nga rebelët, ka çuar në përleshje gjithnjë e më të shpeshta midis ushtrive siriane dhe turke që kanë lënë të vrarë dhjetëra ushtarë nga të dyja palët.
