Gjykata e Posaçme kundër Korrupsionit dhe Krimit të Organizuar, ka shtyrë sërish gjyqin për Arbër Çekajn. Në këtë seancë pritej të lexohej mbrojtja e të pandehurve, por avokatët kanë paraqitur një pretendim të ri. Sipas avokatit Maks Haxhia, CD me përgjime i vënë në dispozicion nga prokuroria, nuk mund të hapej dhe ata nuk kanë pasur mundësi të njiheshin me këtë provë.
Gjatë seancës ka qenë i pranishëm edhe një përfaqësues i Ambasadës Amerikane. Çekaj tha se ka kërkuar praninë e ndërkombëtarëve, në këtë proçes të cilin e konsideron një farsë.
“Kërkova ndërkombëtarët, pasi ju nxituat për ta mbyllur këtë proces farsë. Më keni dhënë garanci në Gjermani për proçes të rregullt ligjor, dhe nuk më jepni mundësi të mbrohem”, është shprehu Çekaj. Sakaq trupi gjykues vendosi të shtyjë seancën e radhës për në 4 mars.
