Ish-deputeti i Partisë Demokratike Xhemal Gjunkshi përmes një postimi në rrjetet sociale ka denoncuar se Dibra ka mbetur pa energji elektrike.
Sipas tij “kanë kaluar mbi 24 orë që në Dibër, në këto netë të acarta të dimrit ka pllakosur errësira”.
Denoncimi: “Kanë kaluar mbi 24 orë që në Dibër, në këto net të acarta të dimrit ka pllakosur errësira.
Kushteve të vështira të motit, temperaturave mjaft të ulëta në (-)minus disa gradë ju shtohet edhe mungesa e energjisë elektrike.
Janë me dhjetëra mijëra banorë të Zonave të thella malore si Lura, Çidhna, Arrasi, Blliçe, Sllovë, Kala e Dodës etj, të cilat qeveria i ka lënë në mëshirë të fatit.
Dibra po përjeton varfërinë dhe pakujdesinë ekstreme të kësaj qeverie.
Në emër të Partisë Demokratike, kërkoj ndërhyrjen dhe zgjidhjen e menjëhershme të kësaj situate të paprecedentë.
Dibra nuk e meriton këtë ndëshkim!
‘Përshëndetje gjeneral. Nënstacioni Fushë-Alie është jashtë funksionit, pasi është djeg transformatori. 7 njësi bashkiake janë pa energji.
Fushë-Alie, Lura, Zall-Dardhë, Reç, Sllovë, Kala e Dodës, Arras’”.
