Të alarmuar nga shifrat mbi vrasjet dhe dhunimet seksuale ndaj fëmijëve, Pakistani ka miratuar një paketë ligjore ekstreme kundër abuzuesve dhe dhunuesve, varje në litar publikisht.
Kuvendi e miratoi ligjin të premten në mbështetje të protestave të shumta të organizuara nga mbarë vendin për këtë fenomen.
Ali Muhammad Khan, ministër i çështjeve parlamentare, tha: “Vrasësit dhe dhunuesit e fëmijëve jo vetëm që duhet të dënohen me varje, por varja duhet të kryhet në publik.”
Sipas tij, ky ligj është i bazuar edhe në udhëzimet fetarë të fesë islame.
“Kurani na udhëzon që vrasësi duhet të varet”, shtoi ai.
Nga ana tjetër, ligji ka hasur në reagimin e ashpër e organizatave për të drejtat e njeriut, të cilat kanë kërkuar heqjen e dënimit me vdekje, raporton “Daily Mail”.
