Kreu i Inspektoratit të Lartë të Drejtësisë, Artur Metani ka deklaruar se puna e ILD do të nisë me vendimet e gjyqtarëve që kanë liruar të burgosurit.
Përmes një konference për mediat, Metani tha se gjatë periudhës 2017 -2020 janë dërguar gjithsej 900 ankesa.
Ai u pyet se sa e pengon fakti që është vëllai i një ish-ministreje për të ushtruar detyrën. Në lidhje me këtë, Metani tha se koha është treguesi më i mirë për gjithçka.
“I bëj thirrje juristëve që kanë dëshirë të kontribuojnë në reformimin e organeve të drejtësisë të aplikojnë e i garantoj se do vlerësohen me objektivitetin maksimal. ILD ka gjithë vullnetin të përballet me të gjitha shkeljet që diskreditojnë figurën e gjyqtarit e prokurorit. Mua dhe inspektorit na pret një volum e problematik e lartë pune, kemi 900 ankesa që janë dorëzuar gjatë periudhës 2017 -2020, për periudhën deri në shkurt kanë filluar edhe ankesat e para nga persona juridik apo fizik”, tha ai.
Jeni vëllai i ish ministres sa ju pengon në ushtrimin e detyrës?
Unë vlerësoj që koha është treguesi më i mirë për gjithçka e gjyqtari më i mirë për të gjithë ne.
Gjyqtarët që kanë liruar të fortët…
Të shmangemi nga emrat, rëndësi ka fenomeni përvec emrave publikë ka edhe emra jo publikë ka disa gjykata në të cilat ka ndodhur dhe inspektimi i parë do jetë tematik për të parë ku po ndodh ky fenomen, do bëj publike edhe rastet ku do ndërhyhet dhe si do ndërhyhet.
Drejtësia po sulmohet e kritikohet sa i takon lirimeve me kusht, sa e zezë është drejtësia aktualisht, sa problematikë janë gjyqtarët e prokurorët?
Në këtë numër ankesash duhet evidentuar sa janë për gjyqtarët, nëse është e zezë apo e bardhë është vlerësim politik që të gjithë mund ta bëjnë, unë s’kam detyrë të bëj vlerësime kam detyrë të monitoroj çdo vendim gjykate, për të ushtruar detyrën që më ka ngarkuar Kuvendi. Nga sot do nis hetimet për lirimet.
