Prezantuesja e njohur e Canale 5, Barbara D’Urso, ka sfiduar të gjithë ata të cilët kanë frikë nga coronavirusi, duke darkuar në një restorant kinez. Ky gjest nga ana e saj ishte për të luftuar paragjykimet pas shfaqjes së coronavirusit.
“Ka pasur raste racizmi, njerëz që fyenin kinezët në rrugë. Coronavirusi nuk transmetohet përmes ushqimit. Këtu keni biskotat e fatit, që ju ëmbëlsojnë, pasi keni konsumuar një vakt. Unë e ha atë përpara jush dhe ju ftoj të shkoni në restorantet kineze”, tha Barbara.
Kujtojmë këtu se në Kinë, numri i viktimave sa vjen dhe shtohet. Për shkak se paniku është përhapur edhe më shumë, qeveria kineze ka autorizuar institucionet shëndetësore për të nisur kontrollet e qytetarëve shtëpi më shtëpi, që të merren akoma më shumë masa në izolimin e coronavirusit.
Nga kontrollet që po bëjnë nëpër shtëpi, do të merren për t’u dërguar në karantinë të gjithë të infektuarit nga coronavirusi.
