Lirohet me vendim të Gjykatës së Tiranës, Fredi Alizoti, i cili imitoi zërin e vëllait të ish-ministrit të Brendshëm në dosjen “Babalja”.
Fredi Alizoti ishte dënuar me dy vite burgim nga Gjykata e Shkallës së Parë, por duke qenë se qëndroi 1.5 vite në paraburgim, tashmë është liruar. Dënimin e ka kryer me afatet e paraburgimit.
Pranverën e 2018-ës, PD botoi 2 audio-regjistrime, përmes së cilave supozonte se vëllai i ministrit të Brendshëm aso kohe, Fatmir Xhafaj, Agroni ishte i përfshirë në trafikimin e lëndëve narkotike. E tërë çështja u emërua “Babalja”, pasi dëshmitari X i Partisë Demokratike, i cili ishte i përfshirë në audio-regjistrime, thirrej në to me pseudonimin Babale.
Krimet e Rënda lëshuan urdhër-arreste për protagonistët e audio-përgjimit, Albert Veliu, i njohur ndryshe me nofkën “Babalja” dhe kunatin e tij, Fredi Alizoti.
