Janë konfirmuar dy rastet e para me koronavirus në Angli. Lajmi bëhet i ditur nga CNN dhe është konfirmuar nga autoritetet londineze.
Mësohet se pacientët i përkasin një familje dhe po trajtohen në Qendrën Kombëtar të Shëndetësisë në veriperëndim të Anglisë.
“Pacientët po marrin shërbim të specializuar dhe ne po përdorim procedura të njohura dhe të testuara për të parandaluar përhapjen e mëtejshme të virusit”, thotë profesor Chris Whitty. Ai shton se mjekët kanë filluar të punojnë për identifikimin e rasteve të tjera.
Profesori thekson se Britania është e përgatitur dhe është në bashkëpunim të plotë me OBSH-në për të parandaluar përhapjen e virusit në popullatë.
