Një tjetër aksident automobilistik ka ndodhur sot në mengjes në Kavajë. Sipas të dhënave, mësohet se aksidenti ka ndodhur pranë vendit të quajtur Kryeluzje.
Si pasojë e përplasjes së dy mjeteve, një person ka mbetur i plagosur dhe po merr ndihmën mjeksore në spitalin e Kavajës dhe ndodhet jashtë rrezikut për jetën.
Shkak i aksidentit dyshohet se është manovra për shmangien nga njëra prej mjeteve të një grope duke i ngushtuar rrugën mjetit tjetër çka ka shkaktuar përplasjen.
Një prej mjeteve transportonte xhama dhe pas përplasjes ato janë shpërndarë në rrugë duke shkaktuar vështirësi në qarkullimin e mjeteve deri në bllokimin e saj duke shkaktuar radhë të gjata.
