Analisti Agron Gjekmarkaj ka dhënë mendimin e tij në lidhje me debatin e madh që shkaktoi deportimi në Turqi i mësuesit Harun Çelik.
I ftuar në rubrikën “Opinion” në News24, Gjekamarkaj u shpreh se në lidhje me këtë rast, Shqipëria ka bërë autogol. Sipas analistit, Harun Çelik i cilësuar si mbështetës i Fethullah Gylen, nuk është një terrorist.
Gjekmarkaj deklaroi se qeveria shqiptare theu kodin e besës, pasi mësuesi ishte në rrezik.
“Mësuesi Harun çelik ishte në rrezik, por u thye kodi i besës dhe i mikpritjes. Mendoj se Shqipëria humbi një shans për ta treguar atë. Mendoj se Shqipëria bëri një autogol dhe tregoi se ne jemi në një sferë vasaliteti ndaj Turqisë. Ata po na përdorin si një zonë influencë ku nuk përdoren të drejtat ndërkombëtare. Ata bëjnë çka të duan për të kapur dhe për të arrestuar ata që quhen gylenist. Problemi është që Shqipëria si një vend që aspiron për të hyrë në BE, duhet të garantojë të drejtën e atyre që u rrezikohet jeta. Këtu kemi të bëjmë me një mësues, dhe jo me një terrorist siç thuhet nga Turqia. Shteti shqiptare duhet të jepte një pritë.
Kjo tregon se njerëzit në Shqipëri mund të depërtohen, për të thyer çdo barrierë të shtetit ligjor në vend, për t’i bërë qefin presidentit turk, që kryeministri jonë ka model, apo aspiron si model në Shqipëri. Ai po bën çmos për ta kënaqur atë me kosto për dinjitetin e kombit shqiptar në raport me kombet e tjera të qytetëruara”, tha ai.
