Interpol ka lëshuar një urdhër arresti për ish-presidentin e Nissan-Renault, Carlos Ghosn.
Ai akuzohet nga Japonia për evazion fiskal edhe mashtrim. Vendimi për urdhër arrestin iu komunikua edhe autoriteteve të Libanit, ku Carlos Ghosn ndodhet aktualisht.
Ministri i brendshëm libanez, Albert Sernhan bën me dije se Libani dhe Japonia nuk kanë marrëveshje për ekstradimin e tij. Mediat e huaja bëjnë me dije se në Turqi janë arrestuar disa persona të cilët mund të jenë të përfshirë në arratinë e tij. Deri më tani janë ndaluar dhe marrë në pyetje shtatë persona, mes tyre katër pilotë.
Ish-presidenti i Nissan-Renault u arrestua në Tokio në muajin nëntor 2018 dhe u lirua pak muaj më pas me kusht që të mos dilte nga Japonia. Por duke pasur edhe shtetësinë franceze, libaneze dhe braziliane, Ghosn arriti që të arratisej nga Japonia.
Mendohet se Ghosn ka udhëtuar me avion privat nga aeroporti i Kansai, në perëndim të Japonisë. Në 29 nëntor është larguar nga Stambolli për të udhëtuar drejt Bejrutit në Liban.
