Dy vëllezër binjakë janë gjetur të vdekur në një zonë të izoluar larg fermës së tyre, në zonën rurale të Kentit në Britani të Madhe.
Trupat e Billy dhe Joe Smith, 32-vjeç u gjetën në orët e para të mëngjesit të së shtunës, nën një pemë në pyll.
Sipas mediave britanike, familjarët e tyre ishin shfaqur edhe më parë të shqetësuar në lidhje me vëllezërit.
“Është e tmerrshme… dhe vetëm pak kohë pas Krishtlindjeve. Ndihem tmerrësisht keq për të afërmit e tyre. Dëgjova policinë që shkoi në atë zonë më herët sot dhe vunë shiritat për të mos kaluar”, tha një banor i zonës tha për “The Sun”.
Ndërsa një zëdhënës i policisë tha se: “Policia e Kent u lajmërua në orën 11:34 paradite, pasi trupat ishin zbuluar në zonën e Sevenoaks. Hetimet për shkaqet e vdekjes po vijojnë por për momentin ato nuk po trajtohen si të dyshimta. Të afërmit e tyre janë të informuar dhe do të mbahen në dijeni për çdo gjë. Hetimi për vdekjen e tyre ka gjasë të nisë në Vitin e Ri”.
Pista kryesore deri më tani mbetet ajo e një vetëvrasjeje të përbashkët.
