Dalin detaje nga aksidenti i regjistruar mëngjesin e sotëm në Rubik të Mirditës.
Si pasojë e përplasjes së autobusit me një makinë, 1 person ka humbur jetën, ndërsa 8 të tjerë kanë pësuar dëmtime.
“Në qytet Rubik, Mirditë, janë përplasur automjeti i një agjencie turistike me drejtues K.M., me automjetin tip “Alfa Romeo” me drejtues shtetasin L.C.
Si pasojë e përplasjes ka ndërruar jetë drejtuesi i mjetit “Alfa Romeo” shtetasi L.C si dhe kanë marrë demtime 8 shtetas që ndodheshin pasagjerë në mjetin me drejtues shtetasin K.M.,të cilët janë dërguar në spitalin e Mirditës dhe Kurbinit dhe ndodhen nën kujdesin mjekësor”, thuhet në njoftimin e policisë.
Grupi hetimor në vendngjarje punon për sqarimin e rrethanave të ngjarjes.
