Sot ishte parashikuar të zhvillohej takimi i radhës për reformën Zgjedhore, por kjo mbledhje është anuluar në minutën e fundit, për mungesë së kuorumit.
Pas anulimit ka folur bashkëkryetari i Komisionit, Damian Gjiknuri. Sipas tij, opozita ende nuk ka sjellë asnjë propozim konkret. Ai shpreson që kjo situatë të mos shkojë në bojkot.
“Mbledhja nuk u vazhdua sepse nuk kishte kuorum, por puna vijon. Shpresoj që të mos jetë ngërç ose bojkot. Mirëpresim partitë e opozitës parlamentare që të vijnë me një propozim për ndryshimin e sistemit, por që nuk ka ndodhur. Ne jemi të hapur për të vazhduar komunikimin njëkohësisht komisioni ka një mandat, ka një afat dhe duhet të vazhdojë punën. Shumë shpejt do të kemi njoftimin për mbledhjen e radhës. Ndjesë, por nganjëherë më mirë për ju se nuk pritet gjatë”, tha Gjiknuri.
