Tërmeti fuqishëm që goditi Shqipërinë të martën ka lënë mbrapa dhimbje dhe lot për një komb të tërë. Deri tani janë 50 viktima dhe mbi 700 të plagosur. Me qindra ndërtesa kanë pësuar dëmtime dhe vendi ende vazhdon të vuajë lëkundjet e tokës. Përpos kësaj, largimi i parakohshëm nga jeta i 50 personave ka lënë një plagë të hapur te te gjithë ata që i njihnin nga afër apo familjarët, të cilët gjatë 48 orëve kanë përcjellë në banesën e fundit njerëzit e tyre të dashur.
Djali i kryeministrit ndan reagimin e dhimbshëm: Vetëm 2 trupa janë nxjerrë
I tillë ka qenë edhe rasti i familjes Reçi, me origjinë nga Mirdita që banonte në Durrës. Tërmeti fatal u mori jetën 4 personave nga e njëjta familje. Largimi i parakohëshëm i tyre ka prekur thellë edhe familjen e kryeministrit. Vajza e familjes Reçi, Kristi vetëm 25 vjeçe, ishte e afërt me djalin e madh të kryeministrit, Greg Rama.
Ai dje i ka dhënë lamtumirën e saj, teksa familja është përcjellë për në banesën e fundit. Në një postim ai ka treguar dhimbjen që ka përjetuar nga largimi i saj dhe ka zbuluar dhe detaje të afrimitetit të tyre. Një ndër to ishte emri me te cilën ai e thërriste “Kiki”.
