Zëdhënësi i LDK-së, Xhemail Mustafa u qëllua për vdekje në shkallët e banesës së tij në Prishtinë, në vitin 2000.
Lajmi u konfirmua atëherë nga burime brenda partisë politike, e cila në atë kohë udhëhiqej nga Ibrahim Rugova. Sipas dëshmitarëve okularë, Xhemail Mustafa kishte marrë plagë të mëdha në kokë. Në atë kohë paqeruajtësit e drejtuar nga NATO dhe policia e Kombeve të Bashkuara shkuan në vendngjarje për të mbledhur prova.
VIDEO/ Ekzekutimi politik që tronditi Kosovën, dalin për herë të parë pamjet
Një muaj para atentatit, LDK-ja e Rugovës kishte mundur në zgjedhjet komunale udhëheqësit e UÇK-së. Zyrtarët ndërkombëtarë kishin shprehur shqetësimin në atë kohë, që disa nga humbësit në ato zgjedhje mund të mos respektojnë rezultatet.
“Unë isha në shtëpi kur papritmas dola në ballkon dhe pashë një turmë njerëzish të mbledhur në hyrje të apartamentit. Unë kisha një ndjenjë shumë të keqe. Pastaj unë zbrita shkallët për të parë se çfarë ndodhi dhe pashë fqinjët e mi që dukeshin të tronditur. Pastaj në shkallë pashë gjak, kishte shumë gjak”, deklaroi në atë kohë Bahrije Mustafa, bashkëshortja e Xhemail Mustafës.
