Interpol Tirana ka ekstradua nga Italia drejt vendit tonë një 40-vjeçar shqiptar. Ky i fundit është dënuar me 20 vite burg nga drejtësia shqiptare, pasi akuzohet për dy vepra penale: “Vrasje e kryer në gjendje të tronditjes së rëndë psiqike” dhe “Mbajtja pa leje e armëve luftarake dhe municioneve”. I arrestuari identifikohet si Festim Rusi.
Në vitin 2001, shtetasi Festim Rusi alias Besim Rusi, në fshatin Metalliki në Greqi, pas një debati për motive të dobëta ka vrarë me armë të ftohtë thikë, shtetasin A. R.
Po ashtu, është ekstraduar nga Greqia edhe një 58-vjeçar shqiptar, Sherif Gjini, lindur në Elbasan. Gjykata në Shqipëri e ka dënuar me 8 vite burg, për veprat penale “Vrasje me dashje” dhe “Mbajtja pa leje e armëve të ftohta.
Në vitin 2005, në fshatin Linas të Komunës Mollas në Elbasan, shtetasi Sherif Gjini ka vrarë me armë zjarri për motive të dobëta shtetasin A. A.
