Prej ditësh përflitet nëse do të arrihet një akord ndërmjet trajnerit Reja dhe FSHF-së. Mesa duket, dashamirësia e shprehur publikisht prej dy palëve është finalizuar me një akord. Burime pranë FSHF-së konfirmojë se trajneri Reja do të drejtojë pankinën kuqezi të paktën deri në 2022.
Edhe pse ende nuk ka një datë zyrtare për rinovimin e kontratës, po të njëjtat burime thonë që gjasat janë që të ndodh brenda muajit dhjetor. Në brendësi të kontratës nuk do të ketë surpriza, pjesa më e madhe tashmë janë bërë të ditura nëpër mediumet shqiptare.
Ditë më parë, çështja e Rejas është komentuar edhe nga mediat italiane, të cilat kanë lënë të kuptohet se trajneri do të shkarkohet. Mesa duket gjuha e përbashkët është gjetur nëpërmjet termave financiarë. Reja do të jetë në krye të kuqezinjve deri në eliminatoret e Botërorit 2022. Në rast se kualifikohemi atëherë do të ketë një zgjatje edhe me dy vjet të tjera.
