Ish-ministri i Drejtësisë, Ylli Manjani ka reaguar pas shkarkimit të gjyqtari të Kushtetueses Besnik Muçi nga KPA-ja. Pasi gjykoi se ankimimi i KP ka qenë i drejtë.
Përmes një postimi në “Facebook”, Manjani shprehet se një lëvizje të tillë e paralajmëroi pa u plotësuar 24 orë të plota. Sipas tij, premtimi i dhënë se brenda këtij viti do të ngrihet Gjykata Kushtetuese nuk u përmbush.
Mirëpo, ish-ministri shprehet se kjo që ndodhi nuk është më e “tmerrshmja”, ndërsa paralajmëroi se “vendi po shkon drejt kaosit të vetgjyqsisë”.
“As 24 orë nuk kaluan nga çfarë paralajmërova dje. Republika e Ambasadorëve të Shqipërisë është pa Gjykatë Kushtetuese! Premtimi që “do ta bëjmë gjykatën brenda këtij viti”, ra.
Më e tmerrshmja nuk është kjo, por shumë shpejt nuk do ketë më gjykata apeli. Dmth nuk do ketë më asnjë vend për zgjidhje mosmarrëveshjesh sipas ligjit. Vendi po shkon drejt kaosit të vetgjyqsisë!!!
Fajin e ka Macroni…’, ka shkruar Manjani.
‘Muçi refuzon vendimin e KPA-së’. Reagon Taulant Balla: Qesharake
Gjyqtari Muçi pas shkarkimit: Kush është ai zyrtar që s’ka probleme me pasurinë
