Deputetja e opozitës Elda Hoti ka tërhequr vëmendjen në seancën e sotme parlamentare për veshjen e saj. Veshje e cila nuk është në përputhje me Kodin e Etikës.
Paraqitja e saj në Kuvend, ka shkaktuar reagime të ndryshme në rrjete sociale, por edhe mes kolegëve. Deputetja që vjen nga radhët e LSI-së kishte veshur sot një fustan nën gju, por me shpatullat jashtë.
Duke iu referuar nenit 8 të Kodit të Etikës për paraqitjen e deputetit në veprimtaritë parlamentare, nënvizohet se duhet të kenë një veshje zyrtare, që nuk tërheq vëmendjen e publikut dhe nuk bëhet objekt për diskutim.
“Deputeti paraqitet me veshje zyrtare në përshtatje me funksionin që kryen. Për qëllim të këtij neni, veshja e deputetit duhet të përmbushë standardet e profesionalizmit dhe të modestisë, pa u bërë shkak debati dhe tërheqje vëmendjeje nga publiku”, shkruhet në nenin nr.8.
