Seanca e jashtëzakonshme plenare ka nisur dhe në rend dite është diskutimi i projektrezolutës për zgjidhjen e ngërçit në përzgjedhjen e anëtarëve të Gjykatës Kushtetuese.
Seanca ka nisur me debat, teksa deputeti i opozitës, Kujtim Gjuzi kërkoi 45 minuta kohë për të lexuar rezolutën.
Kërkesa e tij nuk është pranuar nga kreu i Kuvendit, Gramoz Ruçi, i cili tha se projektrezoluta ka qenë e publikuar prej dje në faqen zyrtare të Kuvendit.
Gjuzi: Duam 45 minuta që t’i hedhim një sy rezolutës. Kjo rezolutë i bie që të shkarkojë Presidentin, ndaj na duhen këto minuta.
Ruçi: Pr.rezoluta ka qenë publike në faqen zyrtare të Parlamentit. E shfrytëzonit kohën, kanë kaluar 12 orë. Pra, procesverbali miratohet.
