Presidenti i Kosovës Hashim Thaçi ka zhvilluar ditën e sotme një takim me presidentin francez Emanuel Macron dhe atë të Serbisë, Aleksandar Vuçiç.
Sipas medias serbe “Blic”, presidenti Vuçiç i ka thënë Thaçit në takimin e mbajtur në Paris, se edhe 10 shtete të tjera presin për të tërhequr njohjen e Kosovës.
“Presidenti i Serbisë i ka thënë Thaçit që edhe dhjetë shtete të tjera janë duke pritur që të marrin vendim për të tërhequr njohjen për pavarësinë e Kosovës”, shkroi gazeta serbe.
Përmes një njoftimi për mediat, Hashim Thaçi u shpreh se Kosova është e gatshme për një marrëveshje që si rezultat përfundimtar do të kishte njohjen reciproke.
