Vetëm pak minuta pas konfirmimit për redaksinë e “Tirana Today” nga ish-deputetja demokrate Oriola Pampuri, se një nga protestuesit është në gjendje kritike për jetën, Spitali i Traumës në Tiranë thotë krejt të kundërtën.
Burimet nga bluzat e bardha bëjnë me dije se janë lënduar 12 persona në total, dhe se asnjë prej tyre nuk është në rrezik për jetën.
Aktualisht po marrin shërbimin mjekësor 5 efektivë dhe 7 protestues.
“Të lënduarit në gjendje të stabilizuar. Po marrin trajtimin e duhur mjekësor. Spitali Universitar i Traumës bën me dije se aktualisht po marrin shërbim 12 persona, nga të cilët 5 efektivë policie dhe 7 protestues, të lënduar në zonën e Astirit. Asnjë prej personave të lënduar nuk është në rrezik për jetën. Spitali është në gatishmëri të plotë”, thuhet në njoftimin e Spitalit të Traumës.
