Ministri për Evropën dhe Punët e Jashtme, Gent Cakaj deklaroi se Shqipëria dhe Kosova do të bëhen bashkë për adresimin e gjenocidit serb.
Gjatë takimit me ambasadorin e Kosovës në Shqipëri, Nait Hasani, Cakaj theksoi rëndësinë strategjike që ka fuqizimi i marrëdhënieve mes dy vendeve. Me qëllim për të krijuar një hapësirë të unifikuar tregtare dhe një bashkësie të vetme doganore.
“Do të punojmë ngushtësisht për të ngritur bashkëpunimin e dy shteteve që i përkasin një kombi në nivele krejtësisht të reja”, shprehet Cakaj.
Ndër të tjera, ministri Cakaj shprehet se si mbështetëse e pakushtëzuar e Kosovës, Shqipëria nënvizon domosdoshmërinë e parashtrimit të çështjes së dëmshpërblimeve të luftës nga ana e Serbisë.
