Publikohet fotografia e Redjan Rrajës, një prej autorëve të dyshuar në atentatin ndaj prokurorit Arjan Ndoja. Fotoja është siguruar nga “Abc News”.
34-vjeçari u arrestua ditën e djeshme nga policia, pasi u identifikua nga gjurmët e ADN-së të mbetura në makinën e dyshuar të atentatorëve.
Por Redjan Rraja nuk është një emër i panjohur për autoritetet dhe publikun. Ai ka qenë i dënuar me 8 muaj burg nga Gjykata e Tiranës për veprën penale të “veprime që pengojnë zbulimin e të vërtetës”, në lidhje me vrasjen e Elton Çiços.
Po ashtu, Rraja u përfshi edhe në rastin e Xhisiela Malokut, ku u përmend se kishte kërcënuar oficerin e policisë Emiljano Nuhu.
