Presidenti Ilir Meta ka vizituar sot ekspozitën e piktorit Avni Delvina, që po mbahet në ambientet e Teatrit Kombëtar. Në sallë të pranishëm kanë qënë jo vetëm artistë, por edhe shumë figura të opozitës.
Presidenti ka mbajtur edhe një fjalim përpara të pranishve, ku ka vënë theksin te ligji i Teatrit Kombëtar.
“Nuk ka asgjë për të më falenderuar, pasi unë e bëra për të mbrojtur Kushtetutën” – tha Ilir Meta.
Gjithashtu, Meta është fokusuar dhe te probleme të tjera të demokracisë në vend. Sipas tij, nëse qytetarët nuk gëzojnë sovranitetin për të vendosur, atëherë rrezikohet edhe sovraniteti i shtetit.
“Jetojmë në kohë të vështira edhe për artistët, edhe për shoqërinë civile. Jetojmë në kohën e globalizimit, që është një proces, i cili nuk mundet që ta ndalim, pasi është proces nga i cili përfitojmë, por që nuk duhet të na shkombëtarizojë. Ndaj duhet të japim mesazhe më të fortë në mbrojtje të kauzave, të kulturës kombëtare, në mbrojtje të vlerave qytetare, në mbrojtje të sovranitetit të qytetarëve” – u shpreh Presidenti.
