Marsida Qatja i ka habitur të gjithë me statusin e fundit, teksa flet për vdekjen. “Një vdekje e bukur, i jep nder gjithë jetës. (Francesco Petrarca)”, shkruan ajo.
Çdo ditë e më shumë, ajo jep mesazhe të qarta. Vrasja e Dritan Haxhollit nuk ishte një krim pasioni, sikurse u përfol mësë shumti nga dëshmitarja okulare në krim, Marsida Qatja.
Dyshimet e Prokurorisë janë se ngjarja ka pasur të bëjë me konfliktin midis tij, dhe Bledar Toçit për lëndë narkotike.
Mësohet se nga hetimet që ka bërë organi i akuzës, Haxholli rezultonte një përdorues i substancave narkotike. Ky nuk ishte sherri i tij i vetëm, pasi kishte pasur konflikte edhe me disa biznesmenë të cilëve u kërkonte para.
Hetimet e Prokurorisë kanë avancuar pas konfiskimit të telefonave celularë të viktimës, Dritan Haxhollit dhe autorit të krimit, Bledar Toçi, ish-shefi i sigurisë së brendshme në burgun e Durrësit.
Prokuroria ka zbuluar se viktima dhe autori kanë pasur konflikte të mëparshme, që nuk lidheshin me 30-vjeçaren. Në telefonat e të dyve, organi i akuzës ka gjetur mesazhe, ku Dritan Haxholli e kërcënonte Toçin, duke i kërkuar para.
