Ditën e sotme, Presidenti Ilir Meta u prit në një takim të veçantë nga Kryeministri i Kroacisë, Andrej Plenković. Kreu i Shtetit falenderoi Kryeministrin kroat për mbështetjen në rrugëtimin europian të Shqipërisë. Sipas tij, kjo mbështetje ka qenë e sinqertë dhe pa rezerva.
“Marrja e Presidencës së BE për herë të parë nga Kroacia dhe qëndrimi i saj pro zgjerimit është një mundësi e shtuar për Shqipërinë dhe rajonin”, – u shpreh Presidenti Meta.
Presidenti i vendit ka theksuar se Shqipëria do të trefishojë përpjekjet për të realizuar kushteve për hapjen e negociatave. “Do të dyfishojmë e trefishojmë përpjekjet tona në javët që vijnë, në muajt që vijnë. Në mënyrë që Samiti i Zagrebit në maj 2020 të rezultojë me një vendim pozitiv për çeljen e negociatave të anëtarësimit me Bashkimin Europian”.
Të dy, Meta dhe Plenković ndajnë të njëjtin vision për të ardhmen e rajonit. Ata ranë dakord se bashkëpunimi ekonomik mes dy vendeve duhet të ngrihet në të njëjtin nivel me partneritetin strategjik dhe politik.
Presidenti Meta u shpreh se lidhja direkte ajrore Tiranë-Zagreb do t’i shërbente forcimit të këtij bashkëpunimi, si dhe ndërlidhjes mes nesh.
Një tjetër projekt ambicioz është ndërtimi i gazsjellësit Adriatiko-Jonian IAP, si zgjatim i TAP. Ky projekt do të ndërlidhë më shumë vendet tona në fushën energjitike dhe do të diversifikojë burimet e energjisë.
Presidenti Meta shprehu vlerësoi dhe përfaqësuesen e komunitetit shqiptar në Kroaci, znj. Ermine Lekaj Prljaskaj. Përfaqësimi nga z. Prljaskaj është një tjetër tregues i lidhjeve të forta tradicionale shqiptaro-kroate.
Gjatë takimit, Kreu i Shtetit vuri në dukje edhe domosdoshmërinë e liberalizimit sa më parë të vizave mes BE-së dhe Kosovës.
