Policia ka zbardhur ngjarjen e rëndë shënuar këtë të shtunë në Durrës, ku një person humbi jetën.
Bëhet fjalë për shtetasin me iniciale R.B., 25 vjeç, i cili punonte si shpërndarës picash, raporton “BalkanWeb”. Viktima udhëtonte me një motor tip “Dajang”, ndërsa u përplas fillimisht nga një autobus, e më pas një tjetër automjet e ka marrë zvarrë për disa metra.
“Më datë 26.10.2019, rreth orës 20:10, në autostradën Tiranë- Durrës, në afërsi të një karburanti, në Shkozet, shtetasi P.T, duke drejtuar një mjet autobus tip “Skania” është përplasur me motorin tip “Dajang”, me drejtues shtetasin R. B, 25 vjeç, banues ne lagjen nr 15 Durres i cili ka gjetur vdekjen.
Nga kqyrja e kamerave dhe veprimet paraprake rezulton se drejtuesi i motorit si pasojë e përplasjes nga autobusi është përplasur edhe me një mjet tjetër i cili e ka spostuar trupin e viktimës nga vendngjarja.
Ndërsa motorri është gjetur në vendngjarje poshtë autobusit. Punohet për sqarimin e rrethaneve të ngjarjes”, thuhet në informacionin paraprak të policisë.
