Ish-trajneri i Dinamos, Skënderbeut dhe Elbasanit, Faruk Sejdini ka komentuar humbjen e Shqipërisë përballë Turqisë.
Teksa ishte i ftuar në “Rtv Ora”, Sejdini theksoi se në ndeshjen ndaj Turqisë, kombëtarja shqiptare kishte vetëm një gjë të mirë. Sipas tij, mënyra e përgatitjes së skuadrës pas kësaj humbjeje ishte shumë e mirë.
“Nuk jam vetëm unë por gjithë opinioni, ishte një ndeshje për të ardhur keq. Unë them që në këtë humbje kishte vetëm një gjë të mirë. I mëshuam shumë fort dhe duket se u suportuan mirë.
Janë humbje që shpërbëjnë ekipin në mënyrën psikologjike, por tek kjo ndeshje, gjendja psikologjike nuk u trondit. Është për të ardhur keq që vijnë këto rezultate. Futbolli matet me pikë dhe në të vërtetë kemi humbur.
Ekipi humbi vigjilencën në minutën e fundit, pasi ai e goditi me kokë. E lëmë portierin që bëri gabimin, por ku ishte mbrojtësi tjetër. Ai e shoqëronte topin duke hyrë në portë dhe të gjithë lojtarët tanë po e shikonin”, tha Sejdini.
Shqipëria doli e humbur nga ndeshja eliminatore e Europianit kundër Turqisë, pasi u mposht me rezultatin minimal 1-0 në Stamboll.
