Një 24-vjeçar shqiptar banues në Itali, është gjendur i vdekur në dhomën e tij nga prindërit e tij.
Mediat italiane kanë bërë të ditur edhe identitetin e të riut shqiptar, i cili quhet Aldi Cala. Ndërkohë në dëshminë e prindërve të 24-vjeçarit, thuhet se djali i tyre kishte kaluar mbrëmjen me shokët dhe ishte kthyer vonë, por në mëngjes ishte gjetur i vdekur.
Prindërit kanë treguar për policinë se 24-vjeçari nuk ishte zgjuar në mëngjes, duke ngjallur dyshime te prindërit, të cilët kanë pritur deri pasdite për të shkuar në dhomën e të riut.
Prindërit kanë thirrur menjëherë ambulancën por siç raportojnë edhe mediat italiane, ka qenë tepër vonë, pasi 24-vjeçari shqiptar kishte kohë që kishte ndërruar jetë. Dyshimet e para janë per një vdekje të natyrshme, pasi prindërit kanë treguar se ai bënte një jetë të rregullt, nuk pinte as alkool dhe asgjë tjetër që mund ta dëmtonte.
