Me mijëra xhihadistë të ISIS-it mbahen të mbyllur në qelitë e një burgu në veri të Sirisë. Fotografi të reja zbulojnë pjesën e brendshme të një burgu në Siri, ku mijëra xhihadistë që shkuan për t’u bashkuar me ISIS, tani kalojnë ditët e tyre pas hekurave.
Shumë prej tyre janë ekstremistë të huaj që kanë ardhur në Siri, për të luftuar përkrah ISIS-it, të cilëve u është refuzuar kthimi në shtëpi nga vendet e tyre.
Rojet e burgut kanë frikën se mos sulmohen nga ISIS, pasi drejtuesi i grupit famëkeq u ka bërë disa herë thirrje që të lirojnë të burgosurit. Ekziston frika se përkrahës të ISIS-it, do të organizojnë sulme në kampet e burgut.
Po ashtu, edhe tensionet mes të burgosurve janë shpesh të larta. Brenda në burg nuk ka asnjë lloj standardi. Edhe 12-vjeçarët mbahen në të njëjtin mjedis me personat e rritur në botën e egër të ekstremizmit.
