Presidenti amerikan Donald Trump ka deklaruar se hetimet për shkarkimin e tij janë “grusht shteti dhe jo shkarkim”.
Trump bëri një deklaratë në Twiter lidhur me hetimin e nisur ndaj tij pas pretendimeve se në bisedën telefonike me presidentin ukrainas Volodymyr Zelensky ka ushtruar presion ndaj këtij vendi që të hetojë kundërshtarin e tij nga radhët e Demokratëve, Joe Biden.
“Ndërkohë që mësoj gjithnjë e më shumë çdo ditë rreth kësaj çështjeje (hetimet për shkarkim) po arrij në përfundimin se ajo që po bëjnë ata nuk është shkarkim, por është një “grusht shteti”. Ky grusht synon të eliminojë fuqinë e popullit, lirinë e tij, të drejtat kushtetuese, fetare, ushtarake, muret në kufi dhe të drejtën e dhënë nga Zoti si qytetar i SHBA-ve”, ka shkruar Trump.
https://twitter.com/realDonaldTrump/status/1179179573541511176?ref_src=twsrc%5Egoogle%7Ctwcamp%5Eserp%7Ctwgr%5Etweet
