Arjan Cengu është emëruar si drejtori i ri i Kadastrës në qytetin e Durrësit. Emërimi i tij erdhi pas arrestimit të Liridon Pulës, me akuzën “Shpërdorim Detyre”. Pula tashmë do të merret në pyetje, pasi është i dyshuar për abuzime me regjistrimin e pronave, ndërkohë Gjykata ka vendosur një masë arresti kundër tij.
Njoftimi zyrtar:
Specialistët e Seksionit për Hetimin e Krimit Ekonomik dhe Financiar në Drejtorinë Vendore të Policisë Durrës kanë ekzekutuar masën e sigurisë “Arrest me burg ” për veprën penale “Shpërdorimi i detyrës” dhënë nga Gjykata e Rrethit Gjyqësor Durrës, në ngarkim të shtetasit L.P., 36 vjeç, banues në Tiranë, Drejtor i Agjensisë Shtetërore të Kadastrës Durrës. Materialet i kaluan Prokurorisë së Rrethit Gjyqësor Durrës, për veprime të mëtejshme.
