Facebook-u po i hyn fushës së modës dhe do të fillojë të ofrojë një lloj stilisti virtual të quajtur Fashion ++, që u jep përdoruesve këshilla për veshjet. Bëhet fjalë për një sistem të inteligjencës artificiale që njeh veshjet dhe sugjeron se çfarë mund të ndryshojë apo të shtohet në to.
Facebook njoftoi se ai mund të rekomandojë edhe mënyra për të rregulluar një pjesë të veshjeve, si vendosja e një këmishe apo përveshja e mëngëve të saj. Hulumtimi, i cili është ende në zhvillim, duhet të paraqitet nga platforma në Konferencën Ndërkombëtare për Vizionin Kompjuterik që mbahet në Seul nga 27 tetori.
Facebook pason në këtë synim Amazon, që bëri të ditur për publikun në qershor StyleSnap, një lloj ‘Shazam”-i i rrobave, që këshillon se çfarë të blini duke filluar nga fotoja e veshjeve. Ky sistem bazohet gjithashtu në inteligjencën artificiale.
