Motër e vëlla kanë rënë në prangat e policisë së Elbasanit, pasi tentuan të vidhnin një magazinë ushqimore. Zbulimi i tyre erdhi pas bashkëpunimit të qytetarëve me uniformat blu.
Sipas njoftimi të policisë, bëhet fjalë për shtetasit me iniciale Nj.H.,52 vjeç dhe S.H., 41 vjeçe ( vëlla e motër) banues në Elbasan. Ata fillimisht u vunë re nga qytetarët, të cilët njoftuan Policinë.
Po ashtu, 41-vjeçarja, nuk i është bindur urdhrit të punonjësve të policisë gjatë shoqërimit, duke thyer kështu xhamat e dritares së dhomës së shoqërimit.
Materiale hetimore i kaluan Prokurorisë për veprat penale, “Vjedhja” e kryer në bashkëpunim e mbetur në tentativë në ngarkim të shtetasve Nj.H., dhe S.H , si edhe për veprat penale “Shkatërrim i pronës” dhe “Mosbindja ndaj urdhrit të punonjësit të policisë së rendit publik” për shtetasen S.H.
