Arrestohet dhe ekstradohet nga Danimarka 27-vjeçari Kristjan Sula (Martini) nga Shkodra, i cili akuzohet si autor i vrasjes me armë zjarri të Ferdinand Polisë. Sula ishte shpallur në kërkim ndërkombëtar nga Interpol Tirana për “Vrasje me dashje e kryer në bashkëpunim”.
Sipas Policisë, 27-vjeçari është autori i dyshuar i ngjarjes së ndodhur më datë 20 mars të këtij viti, ku në vendin e quajtur kryqëzimi i fshatit Grudë, Njësia Administrative Rrethina, Shkodër, është vrarë me armë zjarri në automjetin e tij shtetasi Nard Polia.
Sakaq, Gjykata e rrethit Gjyqësor Shkodër, ka caktuar masën “Arrest me burg” për Sulën.
Njoftimi i plotë:
Vijon bashkëpunimi me homologët për kapjen dhe ekstradimin e personave të kërkuar nga drejtësia
Kapet dhe ekstradohet nga Danimarka 27-vjeçari nga Shkodra, i dyshuar për vrasje.
Nga Specialistët e Interpol Tirana u krye ekstradimi nga Kopenhagen/Danimarkë, i shtetasit shqiptar K. S., 27 vjeç, banues në Shkodër.
Shtetasi K. S. alias K. M. ishte shpallur në kërkim ndërkombëtar nga ZQK Interpol Tirana, pasi Gjykata e Rrethit Gjyqësor Shkodër, më datë 27.03.2019, ka caktuar masën e sigurisë ”Arrest në burg”, për veprën penale “Vrasja me dashje, në bashkëpunim.
Përmbledhje e ngjarjes së ndodhur:
Shtetasi K. S. është autori i dyshuar i ngjarjes së ndodhur më datë 20.03.2019, ku në vendin e quajtur kryqëzimi i fshatit Grudë, Njësia Administrative Rrethina, Shkodër, është vrarë me armë zjarri në automjetin e tij shtetasi N.P.
Si rezultat i bashkëpunimit të Interpol Tirana me Interpol Kopenhagen, u bë i mundur arrestimi i tij në Danimarkë, duke u finalizuar me ekstradimin drejt vendit tonë.
