Aktorin e njohur të humorit, Bes Kallaku së fundmi e kemi parë të angazhuar duke punuar për filmin e tij ‘Falco’. Nga postimet në rrjetet sociale, kemi vënë re që në film do të marrin pjesë shumë personazhe të njohur, ndërsa mësohet se pjesë e kastit do të jetë edhe këngëtarja Bleona Qerreti.
Në një intervistë dhënë për emisionin “Rreze dielli”, Besi zbuloi disa detaje nga filmi, ku ndër të tjera tregoi se Bleonës i ka paguar vetëm shpenzimet e udhëtimit dhe asgjë më shumë.
“Bleona është nën kryetarja e Bashkisë dhe është kandidate për Paskuqan- Bathore. Ajo erdhi direkt nga Amerika me nja 77 fustane. Bleona ka qenë një kontratë pa pagesë. Erdhi falas. Janë paguar vetëm biletat e udhëtimeve. I dërgova skenarin dhe me shumë kënaqësi më tha që pranoj të jem pjesë e këtij projekti”, u shprehu Kallaku.
