Gjatë seancës së sotme gjyqësore në procesin “Babalja”, është lexuar edhe dëshmia e Agron Xhafës, vëllai i ish-ministrit Fatmir Xhafaj, i akuzuar për “trafik droge” si dhe protagonist i audio përgjimit të Albert Veliut. Ai thotë se sulmet e deputetëve demokratë, nuk janë gjë tjetër veçse për të dëmtuar imazhin e vëllait të tij.
“Sulmet e deputetëve të PD, janë për të dëmtuar imazhin e vëllait tim si Ministër i Brendshëm. Nga përmbajtja e bisedës audio, mendoj se është Robert Veliu.
Ai vinte rregullisht dhe pinte kafe te lokali im. I kam dhënë lekë borxh, se luante bixhoz. S’ka qenë korrekt në kthimin e borxheve. Mund të kem folur me të, por jo për gjërat që ai pretendon”, deklaron Agron Xhafaj.
Në seancën e sotme ka dëshmuar edhe sekretari i përgjithshëm Gazment Bardhi, dhe prokurori Besim Hajdarmataj.
Hajdarmataj tregon si u takua me ‘Babalen’ dhe më pas komunikimi me SHISH
